ბლოგი

როგორ მოვაწყოთ საცხოვრებელი სივრცე ისე, რომ კარანტინი აუტანლად აღარ გვეჩვენებოდეს

15 აპრილი
როგორ მოვაწყოთ საცხოვრებელი სივრცე ისე, რომ კარანტინი აუტანლად აღარ გვეჩვენებოდეს

კარანტინში ყველას ბევრი დრო გამოგვიჩნდა იმისთვის, რომ აღმოვაჩინოთ და გამოვიყენოთ ჩვენი შემოქმედებითი შესაძლებლობები. 

თუნდაც ინტერიერის შეცვლა სხვა, უფრო მშვიდობიანი დროისთვის გადადოთ, გაეცანით სამშენებლო, სარემონტო მასალებისა და ტექნიკის კომპანია „ციტადელის“ არქიტექტორ-დიზაინერების, ლიკა ალხაზიშვილისა და ბექა ჩხენკელის, რჩევებს მოდური ტენდენციების შესახებ, როგორ მოვაწყოთ საცხოვრებელი სივრცე.

არ დავივიწყოთ მოდური შტრიხები

წელს ინტერიერის დიზაინში სკანდინავიური სტილი და მისთვის დამახასიათებელი ბუნებრივი ღია ფერის ხის მასალაა დომინანტური. გარდა ამისა, მოდურია ავეჯში არტ დეკოს შტრიხები. რაც შეეხება ფერებს, დიზაინერებმა 2020 წლის მთავარ ფერად კლასიკური ლურჯი (PANTONE 19-4052 Classic Blue და ასევე  Naval SW 6244) დაასახელეს. მასთან ერთად ნაცრისფერი ფერების პალიტრაც აქტუალური იქნება.

ერთი მნიშვნელოვანი დეტალი: წელს ინტერიერის დიზაინში კედელზე აქცენტირება შემსუბუქებულია და მან კარზე გადაინაცვლა. ასე რომ, კედლის დეკორის ნაცვლად, თამამად შეგვიძლია კარზე გავაკეთოთ აქცენტი.

პატარა ფართის მაქსიმალური ათვისება

 

გლობალური ურბანიზაციის გამო, მთელი მსოფლიოს მასშტაბით მცირე ზომის საცხოვრებლები უფრო და უფრო მოთხოვნადი ხდება. გამონაკლისი არც ჩვენი ქვეყანაა. ასეთი სახლები განსაკუთრებით მისაღებია სტუდენტებისთვის, ახლად შექმნილი ოჯახებისთვის და, უბრალოდ, მათთვის, ვისაც დამოუკიდებლად ცხოვრება სურს.

პრობლემა ისაა, რომ ასეთ საცხოვრებლებში ხშირად ვხვდებით მცირე ზომის და დატვირთულ დეტალებს, იქნება ეს ავეჯი თუ სხვა დეკორაცია. ასევე, სივრცეების არასწორი განაწილება ოპტიკურად კიდევ უფრო აპატარავებს და ფუნქციურად უფრო გამოუყენებელს ხდის ჩვენს საცხოვრებელ ბინას. ამას ემატება არასწორი პალიტრის გამოყენება, რაც სივრცეს ვიზუალურად კიდევ უფრო მეტად ამცირებს.

ჩვენ ზუსტად ამ ოპტიკური ილუზიის ხარჯზე შეგვიძლია გავზარდოთ ბინის ფართი და გავხადოთ ის მეტად პრაქტიკული.

ბუნებრივი სინათლე

მიაქციეთ ყურადღება სინათლის წყაროს. სინათლის არასაკმარისი რაოდენობა მცირე ზომის სივრცეში ცხოვრებას დეპრესიულსა და აუტანელს გახდის. ოთახი კარგად უნდა იყოს განათებული დღის სინათლით, ამიტომ გააფართოვეთ ფანჯრები იმდენად, რამდენადაც ეს შესაძლებელია, ასეთი ღობიდან მოახდენთ გარე სივრცის უკეთ აღქმას. მზის სინათლე კი ოთახს უფრო ჰაეროვანს გახდის.

ხელოვნური განათება 

გამორიცხეთ ერთი ცენტრალური განათება, რომელიც ზოგადად არის მიღებული. გირჩევთ, გამოიყენოთ რამდენიმე სახეობის განათების კომბინაცია. მაგალითად, წერტილოვანი განათება, რომელიც ჭერის სიმაღლის გაზრდის ილუზიას ქმნის. ეს კი მთლიანობაში კარგად მუშაობს სივრცის გაზრდაზე. კომბინაციაში გამოიყენეთ ხაზოვან განათებასთან.

ავეჯი 

რაც შეეხება ავეჯს, შეარჩიეთ სივრცის პროპორციულად. რეკომენდებულია მაქსიმალურად სადა და პრაქტიკული, მრავალფუნქციური ავეჯი. ასეთ სივრცეებში ძალიან კარგად მუშაობს ტრანსფორმირებადი ავეჯი. განსაკუთრებით, კედელში ჩამალულ საწოლს უწევენ სპეციალისტები რეკომენდაციას, რომელიც დღისით სრულიად უჩინარი ხდება და აქტიური ცხოვრების დროს საკმაოდ დიდ სივრცეს ათავისუფლებს.

დაივიწყეთ კარადები დეკორაციული დეტალებით. მეტიც, სასურველია, მეტალის სახელურების ნაცვლად მაგნიტური მექანიზმები გამოვიყენოთ. ასე კარადის ზედაპირებს უფრო მეტად სადას მივიღებთ. გაითვალისწინეთ, რომ, საჭიროების შემთხვევაში, კარადამ შესაძლოა, ტიხრის ფუნქციაც შეითავსოს.

აქსესუარები 

თუ კედლები ძალიან მოსაბეზრებელი გეჩვენებათ, აირჩიეთ ერთი კედელი, რომელზეც აქცენტირებას მოახდენთ, დაკიდეთ საშუალო ან მოზრდილი ზომის ნახატი. ასეთ კედლებთან არ შეგეშინდეთ შედარებით კონტრასტული იატაკის გამოყენება.

სარკეს შეუძლია რეალური სივრცე უფრო დიდად წარმოაჩინოს და ოთახი უფრო ნათელი გახადოს. ასე რომ, შეგიძლიათ, სარკის კედელიც თამამად გამოიყენოთ.

ფერები 

ინტერიერის დიზაინის შექმნისას სწორ გეგმარებასთან ერთად უმნიშვნელოვანესია პალიტრის სწორად შერჩევა. აქ საქმე გვაქვს ფერების ფსიქოლოგიასთან. თითოეული ფერი ატარებს კონკრეტულ ენერგეტიკულ განწყობას, რომელსაც ჩვენ ქვეცნობიერად აღვიქვამთ.

ყავისფერი, თეთრი, ნაცრისფერი, მწვანე და ნებისმიერი პასტელური ტონალობა შეგიძლიათ, გამოიყენოთ მისაღებში, საძინებელში, სამზარეულოში. ლურჯი ფერი მისაღებია სივრცეებში, სადაც გონებრივ მუშაობას ეწევით. სივრცეში, სადაც უფრო მეტი კრეატიული წვა მიმდინარეობს, მაგალითად, სამხატვრო სახელოსნოებში, იისფერი და ნარინჯისფერი შემოქმედებითად განაწყობს ადამიანს, ასევე ყვითელიც, რომელიც ადამიანის ხასიათს იმპულსს აძლევს და აცოცხლებს. ყვითელი ფერი შეგიძლიათ, სამზარეულოში აქცენტების სახით შეიტანოთ, რადგან ის მადას აღძრავს. ყველაზე მეტად საფრთხილო ფერი, რა თქმა უნდა, წითელია. ცნობილია, რომ ის ნერვულ სისტემაზე მოქმედებს. თუმცა წითელი ფერის აქცენტები დეკორაციებისა და ნახატების სახით სრულიად დასაშვებია.

თუკი გადაწყვეტთ, რომ თქვენი ბინის არქიტექტურა და დიზაინი პროფესიონალებმა დაგეგმონ, არ დაგავიწყდეთ, რომ კომპანია „ციტადელის“ არქიტექტორ-დიზაინერები არქიტექტურულ პროექტირებას და ინტერიერის დიზაინის მომზადებას გთავაზობენ. თავის მხრივ, ეს ორი მიმართულება სხვადასხვა სამუშაოს მოიცავს.

არქიტექტურული პროექტირება აერთიანებს კონცეპტუალურ დიზაინს, დოკუმენტაციის მომზადებას და მშენებლობის ნებართვას.

ხოლო ინტერიერის დიზაინის მომზადება მოიცავს აზომვით სამუშაოებს, დიზაინ-კონცეფციას, საჭირო ნახაზებისა და 3D ვიზუალიზაციის შექმნას, დიზაინის ადაპტაციას და საავტორო ზედამხედველობას.

კომპანია „ციტადელი“ კარანტინის პერიოდშიც განაგრძობს დისტანციურ მუშაობას და ნებისმიერ მსურველს გაუწევს არქიტექტურისა და დიზაინის მიმართულებით შესაბამის მომსახურებას. დამატებით, ყოველ ოთხშაბათს, დილის 9-დან 6 საათამდე კი (595 468722) უფასო სატელეფონო კონსულტაციას გთავაზობთ.